விதிகளும், ஒழுங்குமுறைகளும்:

மேஸி டைனாஸ்டார் (‘Massey DYNASTAR’) போட்டி சீஸன் 2, 2024 - க்கு உங்களது எண்ணம் / யோசனையை சமர்ப்பிப்பதற்கு முன்பு இந்த விதிகள் ஒழுங்கு கட்டுப்பாடுகளை தயவுசெய்து வாசிக்கவும். இப்போட்டியில் பங்கேற்பதன் வழியாக கீழ்கண்ட விதிகளைப் புரிந்துகொள்ளவும், அங்கீகரிக்கவும் மற்றும் நிபந்தனையின்றி அவற்றைப் பின்பற்றி நடக்கவும் நீங்கள் ஒப்புக்கொள்கிறீர்கள்:

• MasseyFergusonIndia.com/DYNASTAR என்ற இணையதளத்தில் கிடைக்குமாறு செய்யப்பட்டுள்ள போட்டிக்கான பக்கத்தில் பங்கேற்புக்கான விண்ணப்பத்தை சமர்ப்பிக்கலாம்.
• 31/03/2026 மாலை 5.00 மணிக்கு க்கு பிறகு சமர்ப்பிக்கப்படும் விண்ணப்பங்கள் ஏற்றுக்கொள்ளப்படாது.
• இப்போட்டிக்கு நுழைவுக்கட்டணம் ஏதுமில்லை.
• இப்போட்டியில் கலந்து கொள்வதற்கு, பங்கேற்பாளர், இந்திய நாட்டில் வசிப்பவராகவும் மற்றும் விண்ணப்பிக்கும் நேரத்தில் 18 ஆண்டுகள் வயது அல்லது அதற்கு மேற்பட்ட வயதுள்ளவராகவும் இருக்க வேண்டும்.
• டாஃபே நிறுவனத்தின் பணியாளர்களும் / ஒப்பந்த பணியாளர்களும் மற்றும் அவர்களைச் சார்ந்து வாழும் நெருங்கிய குடும்ப உறுப்பினர்களும் இப்போட்டியில் பங்கேற்க இயலாது.
• பங்கேற்பாளர் ஒவ்வொருவரும் ஒரு விண்ணப்பத்தை /உள்ளீடை மட்டுமே பதிவேற்றம் செய்யலாம்
• அனைத்துப் பங்கேற்பாளர்களும், அவர்களது அடையாளத்தை உறுதிசெய்யும் செல்லத்தக்க அடையாளச் சான்றுடன் அவர்களது விவரங்களை உள்ளீடு செய்வது அவசியம்.
• டாக்குமெண்ட் (ஆவணம்) வடிவில் சமர்ப்பிக்கப்படும் யோசனை / எண்ணம், .docx அல்லது .pdf வடிவத்தில் மட்டுமே சமர்ப்பிக்கப்பட வேண்டும்.
• வீடியோ (காணொளி) சமர்ப்பிப்புகளுக்கான வழிகாட்டல்கள் கீழ்வருமாறு:

  ரெசல்யூஷன்	720p
  காலஅளவு	10 நிமிடங்கள்
  கோப்பு அளவு	200 MB
  கோப்பின் பெயர்	போட்டியாளரின் பெயர் + மொபைல் எண்
  வடிவம்	Mp4 அல்லது MOV

• சமர்ப்பிக்கப்படும் வீடியோவிற்கான ஃபைல் (கோப்பு) மீது உங்களது பெயர் மற்றும் மொபைல் எண்ணை நீங்கள் கண்டிப்பாக குறிப்பிட வேண்டும்.
• சமர்ப்பிக்கப்படும் யோசனை / எண்ணம், நடுவர் குழுவினருக்கு உங்களது எண்ணத்தை போதுமான அளவு தெரியப்படுத்துமாறு முழுமையாகவும், துல்லியமாகவும் இருக்க வேண்டும். தகவல்களை தவறாக சித்தரிப்பது அல்லது எந்தவொரு வடிவத்திலும் அவைகளை மறைப்பது போட்டியிலிருந்து தகுதியிழப்பு செய்யப்படுவதற்கு வழிவகுக்கும்.
• சமர்ப்பிப்புகளை / உள்ளீடுகளை நகலாக்கம் செய்வது / இருமுறை சமர்ப்பிப்பது அனுமதிக்கப்படாது. இரு வெவ்வேறு பங்கேற்பாளர்கள் ஒரே உள்ளீடை சமர்ப்பிப்பார்கள் என்றால், முதலில் சமர்ப்பிப்பவரது பதிவே செல்லத்தக்கதாக கருதப்படும்.
• சமர்ப்பிக்கப்பட்ட பதிவுகளை / உள்ளீடுகளை பேஸ்புக், இன்ஸ்டாகிராம், யுடியூப், லிங்டுஇன் அல்லது டிவிட்டர் போன்ற சமூக ஊடகத்தளங்கள் எதிலும் பகிர்ந்துகொள்வது, தகுதியிழப்பிற்கு வழிவகுக்கும்.
• மேலே விவரமாக குறிப்பிடப்பட்டுள்ளதை தவிர்த்து, பங்கேற்பாளர்களால் வேறு விதத்தில் / வடிவத்தில் சமர்ப்பிக்கப்படும் பதிவுகள் / உள்ளீடுகள், செல்லத்தக்கதாக கருதப்படாது
• உணர்வுகளைத் தூண்டுகின்ற நிர்வாணம், வன்முறை, மனித உரிமைகள் மற்றும் / அல்லது சுற்றுச்சூழல் மீறல் மற்றும் / அல்லது இந்தியாவில் சட்டம், சமய, கலாச்சார மற்றும் நன்னெறி பாரம்பரியங்களுக்கு எதிரானதாக கருதப்படக்கூடிய வேறுபிற உள்ளடக்கம் உட்பட, முறையற்ற மற்றும் / அல்லது ஆட்சேபகரமான வாசகம் / தோற்றத்தை சித்தரிக்கின்ற அல்லது வேறு விதமாக இடம்பெறச் செய்கின்ற வீடியோக்கள் (காணொளிகள்) கண்டிப்பாக தடை செய்யப்பட்டுள்ளன மற்றும் அத்தகைய வீடியோக்கள் உடனடியாக போட்டியிலிருந்து நீக்கப்படும்.
• முந்தைய ஆண்டுகளில் போட்டியில் பங்கேற்று ஒரு வெற்றியாளராக அறிவிக்கப்பட்டிருக்கும் பங்கேற்பாளர்கள் (வாழ்க்கைத்துணை, பிள்ளைகள் மற்றும் பெற்றோர்கள் ஆகிய குடும்ப உறுப்பினர்கள் உட்பட) இந்த ஆண்டு போட்டியில் பங்கேற்பதிலிருந்து தடை செய்யப்பட்டுள்ளனர்.
• டாஃபே-ன் பிராண்டுகளான மேஸி ஃபெர்குஸன், ஐஷர் டிராக்டர்ஸ் கம்பெனியை சேர்ந்த பணியாளர்கள் மற்றும் பிற டிராக்டர் நிறுவனங்களை சேர்ந்த பணியாளர்களும் மேஸி டைனாஸ்டார் போட்டியின் எந்தவொரு பதிப்பிலும், பங்கேற்பிலும் இடம் பெற தடை செய்யப்பட்டிருக்கின்றனர்.

யோசனை / கருத்துக்கான வழிகாட்டல்கள்

• இந்தியாவின் எந்தவொரு பிராந்திய மொழி அல்லது ஆங்கிலத்தில் வீடியோ மற்றும் ஒரு ஆவண வடிவத்தில் யோசனை / கருத்து சமர்ப்பிக்கப்படலாம்.
• டைனாடிராக் / டைனாஸ்மார்ட் டிராக்டரின் தனித்துவமான அம்சங்கள் மற்றும் பலன்கள் அவர்களுக்கு எப்படி உதவுகின்றன என்று சிறப்பாக எடுத்துக்கூற வேண்டும்.
  • விவசாயத்திற்கான அல்லது புதிய விவசாய உத்திகளுக்கான புதுமையான யோசனைகளை இதில் உருவாக்கவும்.
  • ஒரு புதுமையான வழிமுறையில் கருவிகள் / சாதனங்களை மற்றும் செயல்முறைகளைப் பயன்படுத்துவது.
  • வணிக செயல்பாடு மற்றும் விவசாயம் ஆகிய இரண்டிற்கும் டைனாடிராக் பயன்படுவது
  • கூடுதல் வருவாயை ஈட்டுவது
  • ஒரு புதிய, நிலைப்புத்தன்மையுள்ள பிசினஸை உருவாக்குவது
  • ஏற்கனவே இயங்கி வரும் பிசினஸ் அல்லது விவசாய செயல்பாடுகளை மேம்படுத்துவது
  • பொது சமூகம் அல்லது சுற்றுச்சூழலை சிறப்பாக மாற்றியமைப்பது.

போட்டி சுற்றுகளின் தகுதியாக்கம் மீதான வழிகாட்டல்கள்

• முதல் 30 நிலைகளுக்கு தகுதிபெறும் பங்கேற்பாளர்கள் அடுத்த சுற்றுக்கு தகுதி பெறுவதற்காக அவர்களது யோசனையின் வரையப்பட்ட ப்ளூபிரிண்ட் / மூலவரைபடத்தை (கைப்பட அல்லது டிஜிட்டல் முறையில் வரைந்து) வழங்குவது அவசியம்.
• தகுதியாக்கம் பெற்றிருப்பது குறித்து தகவலளிக்கப்பட்ட 2 வாரங்களுக்குள் (14 நாட்கள்) இந்த ப்ளூபிரிண்ட் சமர்ப்பிக்கப்பட வேண்டும்.
• பங்கேற்பாளர்களது யோசனையை விரிவாகவும் மற்றும் தொழில்நுட்ப ரீதியில் சிறப்பான வகையிலும் வெளிக்கொணர்வதற்கு உள்ளார்ந்த / வெளியார்ந்த நிபுணர்கள் / வழிகாட்டுனர்களது ஆதரவு அவர்களுக்கு வழங்கப்படும்.
• அடுத்த சுற்றுக்கு முன்னேறிச் செல்லும் இறுதிப்போட்டிக்கான முதன்மையான 15 பங்கேற்பாளர்களை நடுவர் குழு தேர்வு செய்யும்.
• அவர்களது ப்ளூபிரிண்ட் மற்றும் அவர்கள் கற்றிருக்கும் தொழில்நுட்ப வழிகாட்டல் அடிப்படையில் அவர்களது யோசனையின் செயல்படுத்தக்கூடிய மாடலை / மாதிரியை உருவாக்குவதற்கு இறுதிப்போட்டிக்கான முதன்மையான 15 போட்டியாளர்களுக்கு ஒரு மாதம் (30 நாட்கள்) கால அவகாசம் தரப்படும்
• செயல்படுகின்ற ஒரு மாடலை / மாதிரியை உருவாக்கும் பணிக்காக பயன்படுத்தும் வகையில் ரூ.10,000 என்ற ரொக்கப்பரிசும் அவர்களுக்கு வழங்கப்படும்.
• இப்போட்டியின் எந்தவொரு குறிப்பிட்ட நேரத்திலும் போட்டியிலிருந்து விலகிக்கொள்ள / வெளியேற முடிவு செய்யும் எந்தவொரு பங்கேற்பாளருக்கும், அதற்குப்பிறகு எந்த பரிசுத் தொகையையும் (யேர்லி பேர்டு பரிசுகள் மற்றும் முதன்மையான 30 பங்கேற்பாளர்கள்) பெறுவதற்கான உரிமைத்தகுதியை கொண்டிருக்க மாட்டார்கள்.

நடுவர்கள்

• நடுவர்கள் குழு ஒன்றை இப்போட்டிக்காக டாஃபே நியமனம் செய்யும். போட்டி பங்கேற்பாளர்களின் யோசனையை பரிசீலித்து முடிவு செய்வதற்கு உள்ளார்ந்த மற்றும் வெளியார்ந்த குழுக்களைச் சேர்ந்த உறுப்பினர்கள் இந்த நடுவர்கள் குழுவில் இடம்பெறுவார்கள்.
• போட்டியில் வெற்றி பெறுகின்ற யோசனையை / எண்ணத்தை நடுவர்கள் குழு மதிப்பீடு செய்யும் மற்றும் தீர்மானிக்கும். இப்போட்டியின் முடிவுகளும், வெற்றியாளர்களது பெயர்களும் வலைதளத்திலும் மற்றும் மேஸி ஃபெர்குசனின் சமூக ஊடகத் தளங்களிலும் அறிவிக்கப்படும்.
• டாஃபே – ன் நடுவர்கள் குழுவின் முடிவே இறுதியானது; இப்போட்டித் தொடர்பான அனைத்து விஷயங்கள் குறித்தும், அனைத்து பங்கேற்பாளர்களையும் இது கட்டுப்படுத்தக்கூடியது

பயிற்சியளிப்பு

• பகிரப்பட்டுள்ள யோசனைகளின் அடிப்படையில் பங்கேற்பாளர்களுக்கு பயிற்சியளிப்பவர்கள் ஒதுக்கீடு செய்யப்படுவார்கள்.
• போட்டியாளருக்கான நடுவர்கள் ஒதுக்கீடு குறித்த முடிவு டாஃபே – ன் தனிப்பட்ட விருப்புரிமைக்கு உட்பட்டது மற்றும் அனைத்து பங்கேற்பாளர்களையும் இது கட்டுப்படுத்தும்.
• டாஃபே -ஆல் வழங்கப்படும் ஒரு லிங்க் வழியான பயிற்சியளிப்பிற்காக அவர்களுக்கு ஒதுக்கீடு செய்யப்பட்ட நேரத்தில் அதில் கலந்து கொள்வதற்கு பங்கேற்பாளர்கள் தயார்நிலையில் இருக்க வேண்டும்.
• இந்த பயிற்சியளிப்பு அமர்வுகளின்போது பயிற்சியளிப்பவருக்கும் மற்றும் பங்கேற்பாளர்களுக்குமிடையே தொடர்பு விவரங்கள் குறித்து எந்த தனிப்பட்ட தகவலும் பரிமாறப்படக்கூடாது.
• அமர்வு நடைபெறும் நேரங்களின்போது பங்கேற்பாளர் குறித்து பயிற்சியளிப்பவரால் தகவல் / புகாரளிக்கப்படும் எந்தவொரு வடிவத்திலான தவறான நடத்தையானது, அப்பங்கேற்பாளரின் உடனடி தகுதி நீக்கத்திற்கு வழிவகுக்கும்.

வெற்றியாளர்கள் மற்றும் பரிசுகள்

• போட்டியின் முடிவுகளும், வெற்றியாளர்களது பெயர்களும் வலைதளத்திலும் மற்றும் மேஸி ஃபெர்குசனின் சமூக ஊடக தளங்களிலும் அறிவிக்கப்படும்.
• பரிசு அல்லது பரிசின் ஒரு பகுதி மற்றொரு நபருக்கு அல்லது நிறுவனத்திற்கு மாற்றப்படக்கூடியதல்ல.
• முடிவுகள் அறிவிக்கப்பட்டதற்குப் பிறகு நடத்தப்படும் விருது வழங்கும் நிகழ்வின்போது போட்டியின் வெற்றியாளர்கள் அவர்களது பரிசுகளை பெற்றுக்கொள்ளலாம்.
• இந்நிகழ்வின் நாள் மற்றும் நேரத்தை ஒத்திப்போட, ரத்துசெய்ய அல்லது நடைபெறும் இடத்தை மாற்ற டாஃபேக்கு உரிமையுண்டு; இது குறித்து பங்கேற்பாளர்களுக்கு அறிவிக்கை செய்யப்படும்.
• டிராக்டர் மீது மத்திய / மாநில / பிராந்திய / உள்ளாட்சி அமைப்புகளின் வரிகள், ஜிஎஸ்டி, பிற கட்டணங்கள் மற்றும் கூடுதல் வரிகள் மற்றும் வரிகள் (வெளிநாடு அல்லது உள்நாட்டைச் சேர்ந்தவை மற்றும் வருமான வரி உட்பட) வெற்றியாளர்களால் செலுத்தப்பட வேண்டும்.
• கூடுதல் அக்சஸரீஸ் (துணை உபகரணங்கள்) இல்லாமல் வாகனம் மட்டும் வெற்றியாளருக்கு வழங்கப்படும்; வாகனப் பதிவு மற்றும் ஆர்டிஓ கட்டணம், காப்பீடு மற்றும் தொடர்புடைய இதர கட்டணம் / செலவுகள் வெற்றியாளரால் செலுத்தப்பட வேண்டும்.

அறிவுசார் சொத்துரிமைகள்

• சமர்ப்பிக்கப்பட்ட உள்ளீடுகள்/படைப்புகள் அசல் தன்மையுடன், பங்கேற்பாளரால் உருவாக்கப்பட்டதாக மற்றும்/அல்லது எடுக்கப்பட்டதாக இருக்க வேண்டும். அது மூன்றாம் தரப்பினருக்குச் சொந்தமான அல்லது அவர்களால் கட்டுப்படுத்தப்படும், நீங்கள் உரிமம் பெறாத எந்தவொரு உள்ளடக்கத்தையும் கொண்டிருக்கக்கூடாது, மேலும் அது எந்தவொரு நபர் அல்லது நிறுவனத்தின் பதிப்புரிமை, வர்த்தக முத்திரை, தார்மீக உரிமைகள், தனியுரிமை/விளம்பர உரிமைகள் அல்லது அறிவுசார் சொத்துரிமைகளை மீறுவதாக இருக்கக்கூடாது.
• TAFE, சம்பந்தப்பட்ட பங்கேற்பாளரால் தனித்தனியாக உருவாக்கப்பட்டு, சொந்தமாகச் சமர்ப்பிக்கப்பட்ட அசல் படைப்புகள்/யோசனைகள் மீதான பதிப்புரிமைகள் உட்பட, பங்கேற்பாளர்களின் தனியுரிமைகளை மதிக்கிறது. அதன் மீதான அறிவுசார் சொத்துரிமைகள் சம்பந்தப்பட்ட படைப்பாளிகள்/ஆசிரியர்களிடமே நிலைத்திருக்கும் என்பதை TAFE புரிந்துகொள்கிறது. இருப்பினும், சமர்ப்பிப்பைச் செய்யும்போது, ​​பங்கேற்பாளர்கள் இதன்மூலம் TAFE-க்கு, போட்டி, அதன் தயாரிப்புகள் மற்றும் நிகழ்வுகளை விளம்பரப்படுத்துவதற்காக, எந்தவொரு வரம்புகள் அல்லது கட்டுப்பாடுகள் இன்றி, இப்போது அல்லது இனி அறியப்படும் எந்தவொரு அல்லது அனைத்து ஊடக வடிவங்களிலும், முழுமையாகவோ அல்லது பகுதியாகவோ, பயன்படுத்த, வெளியிட, இனப்பெருக்கம் செய்ய, காட்சிப்படுத்த, நிகழ்த்த, தழுவ, வழித்தோன்றல் படைப்புகளை உருவாக்க, விநியோகிக்க, விநியோகிக்கச் செய்ய, அச்சிட, உலகளாவிய, பிரத்தியேகமற்ற, ராயல்டி இல்லாத, துணை உரிமம் வழங்கக்கூடிய உரிமை மற்றும் உரிமத்தை வழங்குகிறார்கள்.
• மேலும், எந்தவொரு சமர்ப்பிப்பின் மாதிரி வடிவத்தை உருவாக்க, செம்மைப்படுத்த அல்லது முன்மாதிரியை உருவாக்க, பங்கேற்பாளர் TAFE-இடமிருந்து (அல்லது அதன் பிரதிநிதிகளிடமிருந்து) தொழில்நுட்ப உதவி, வளங்கள் அல்லது நிபுணத்துவத்தைப் பயன்படுத்தினால், அதன் விளைவாக வரும் அனைத்து அறிவுசார் சொத்துக்களும்—மாதிரிகள், வடிவமைப்புகள், மேம்பாடுகள் மற்றும் வழித்தோன்றல்கள் உட்பட—பிரத்தியேகமாக TAFE-க்குச் சொந்தமாகும். அத்தகைய ஆக்கப்பூர்வமான மற்றும் தொழில்நுட்பச் செயலாக்கம் அல்லது மேம்பாடுகள் அல்லது முன்னேற்றங்களுக்கு, தொழில்நுட்ப, வள மற்றும் செலவு அம்சங்களில் அதன் பங்களிப்புகளின் காரணமாக, அத்தகைய மேம்பாடுகள்/படைப்புகள்/மாதிரிகள்/மாற்றங்களின் ஒரே ஆசிரியர்/படைப்பாளி/உரிமையாளராக TAFE கருதப்படும் என்பதை பங்கேற்பாளர் ஒப்புக்கொள்கிறார்.
• சமர்ப்பிக்கப்பட்ட எந்தவொரு படைப்புகள்/மாதிரிகள், அவற்றுடன் தொடர்புடைய எந்தவொரு அல்லது அனைத்து அறிவுசார் சொத்துரிமைகள் மற்றும் அவற்றின் வழித்தோன்றல்கள் உட்பட, அனைத்தையும் வாங்கும் உரிமையை TAFE, அதன் விருப்பப்படி, கொண்டுள்ளது என்பதை பங்கேற்பாளர்கள் புரிந்துகொண்டு ஒப்புக்கொள்கிறார்கள். இதன்மூலம் பங்கேற்பாளர்கள் ஒத்துழைக்கவும், அதைப் பதிவு செய்வதற்கான சம்பந்தப்பட்ட பத்திரங்கள் மற்றும் ஆவணங்களில் கையெழுத்திடவும் ஒப்புக்கொள்கிறார்கள்.

கட்டுப்பாடு

• இந்த விண்ணப்பம் / உள்ளீட்டை சமர்ப்பிப்பதன் மூலம் இப்போட்டியின் காரணமாக உருவாகக்கூடிய அல்லது அதனோடு எந்த விதத்திலும் தொடர்புடைய அல்லது போட்டி நடத்தப்படும் விதத்தினால் எழக்கூடிய மற்றும் காரணம் அல்லது தன்மை எதுவாக இருப்பினும், சட்டத்தின்படி அல்லது சமத்துவ நியாயத்தின்படி எதுவாக இருப்பினும் வழங்கப்படும் எந்தவொரு பரிசு / வெகுமதியின் பயன்பாடு, தவறான பயன்பாடு அல்லது சுவாதீனம் ஆகியவை தொடர்பான கட்டுப்பாடுகள், உரிமைக்கோரிக்கைகள், முடிவுகள், கோரிக்கைகள், சர்ச்சைகள், ஒப்பந்தங்கள், இழப்பீடுகள், நடவடிக்கைகள் மற்றும் நடவடிக்கைகளின் காரணங்கள் ஆகியவற்றிலிருந்து டாஃபே மற்றும் அதன் பார்ட்னர்கள் தொடர்புடைய நிறுவனங்கள், துணை நிறுவனங்கள், விளம்பர முகமைகள், முகவர்கள் மற்றும் அவர்களது பணியாளர்கள், அதிகாரிகள் மற்றும் பிரதிநிதிகளை தீங்கற்றவர்களாக ஆக்குவதோடு அவர்களை அத்தகையவற்றிலிருந்து நீங்கள் விடுவிக்கிறீர்கள் மற்றும் இழப்பீட்டிற்கு ஈடுசெய்ய ஒப்புக்கொள்கிறீர்கள்; மேலும், இப்போட்டி அல்லது அதனோடு தொடர்புடைய எந்தவொரு செயல்பாடுகள் அல்லது மனித பிழை அல்லது வேறு செயல்பாட்டின் காரணமாக முழுமையாகவோ அல்லது பகுதி அளவிலோ டாஃபே – ன் அலட்சியம் அல்லது ஒட்டுமொத்த கவனக்குறைவால் விளைவிக்கப்படுகின்ற அல்லது அதனால் விளையக்கூடியதாக அத்தகைய காயம் அல்லது உரிமைக்கோரிக்கைகள் ஏற்பட்டாலும் கூட டாஃபே அல்லது மேஸி ஃபெர்குசனுக்கு எதிராக நீங்கள் முன்வைக்கின்ற அல்லது வலியுறுத்துகின்ற எந்தவொரு உரிமைக்கோரிக்கைகளையும் நீங்கள் மேலும் கைவிடுகிறீர்கள்.
• இப்போட்டியில் உங்களது பங்கேற்போடு தொடர்புடையதாக எவ்வித வரம்பு கட்டுப்பாடு இல்லாமல் , எந்த வழிமுறையிலும் உங்களுக்கு அல்லது மூன்றாம் தரப்பிற்கு ஏற்படக்கூடிய எந்த காயம் அல்லது இழப்பின் வழியாக எந்தவொரு மூன்றாம் தரப்பால் கொண்டு வரப்படுகின்ற அல்லது வலியுறுத்தப்படுகின்ற அனைத்து உரிமைக்கோரிக்கைகள் உட்பட, இப்போட்டியில் உங்களது பங்கேற்பினால் எழக்கூடிய எந்தவொரு உரிமைக்கோரிக்கையிலிருந்தும் டாஃபே நிறுவனத்திற்கு சட்ட விலக்குரிமை அளிக்கவும் மற்றும் அதற்கு தீங்கு ஏற்படாமல் இருக்கவும் நீங்கள் மேலும் ஒப்புக்கொள்கிறீர்கள்.
• எந்தவொரு சூழ்நிலையின் கீழும் மேஸி ஃபெர்குசன் அல்லது டாஃபே கீழே குறிப்பிடப்பட்ட எதற்கும் பொறுப்பு / கடப்பாடு கொண்டதாக இருக்காது:
  • சமர்ப்பிப்புகள் / விண்ணப்பங்கள், தொலைந்துபோவது, தாமதமாவது, வேறு இடத்திற்கு தவறாக அனுப்பப்படுவது, திருடப்படுவது, பார்க்க / வாசிக்க இயலாதது அல்லது முழுமைப்பெறாத சமர்ப்பிப்புகள்.
  • சமர்ப்பிக்கப்பட்ட நிழற்படங்களில் / வீடியோக்களில் பிழை, இடம்பெறத் தவறியவை, இடையூறு, அழிக்கப்படுதல், இயக்கம் அல்லது அனுப்புதலில் தாமதம், தகவல்தொடர்பு இணைப்பில் கோளாறு, திருட்டு அல்லது நாசமாகுதல் அல்லது அங்கீகாரம் பெறாத அணுகுவசதி அல்லது அவைகளில் திருத்தங்கள் செய்யப்படுவது.
  • எந்தவொரு தொலைபேசி வலையமைப்பு அல்லது லைன்கள், கம்ப்யூட்டர் ஆன்லைன் சிஸ்டம்கள், சர்வர்கள், சேவை வழங்குனர்கள், கணினி சாதனம், மென்பொருள், மின்னஞ்சல், இயக்க சாதனங்கள் அல்லது பிரவுசர்கள் ஆகியவற்றில் தொழில்நுட்ப பிரச்சனைகள் அல்லது இணைய இணைப்பில் அல்லது எந்தவொரு வலைதளத்தில் போக்குவரத்து நெருக்கடியின் காரணமாக அல்லது மேற்குறிப்பிடப்பட்ட அம்சங்களின் கலவை / ஒருங்கிணைவின் காரணமாக ஏற்படும் பிரச்சனைகள், கோளாறுகள், செயலிழப்புகள் அல்லது தொழில்நுட்பக் கோளாறு.
  • போட்டியில் பயன்படுத்தப்படுகின்ற அல்லது அதனோடு தொடர்புடைய புரோகிராமிங் அல்லது ஏதும் சாதனத்தால் அல்லது நிழற்படங்கள் / வீடியோக்கள் மற்றும் / அல்லது சமர்ப்பிப்பு படைப்புகளின் புராசஸிங் செயல்முறையில் நிகழக்கூடிய எந்தவொரு தொழில்நுட்ப அல்லது மனித பிழை ஆகியவற்றால் விளையக்கூடிய தவறான அல்லது துல்லியமற்ற தகவல் மற்றும் அல்லது
  • எந்தவொரு பங்கேற்பாளர் அல்லது தொடர்புடைய கம்ப்யூட்டருக்கு இப்போட்டியோடு தொடர்புடையதாக அல்லது அதனால் விளையக்கூடிய காயம் அல்லது சேதம்
• கம்ப்யூட்டர் வைரஸ்கள், நிரல்பிழைகள், குறுக்கீடுகள், அங்கீகாரமற்ற இடையீடுகள், மோசடி, தொழில்நுட்ப கோளாறுகள் அல்லது மேஸி ஃபெர்குசன் அல்லது டாஃபே – ன் கட்டுப்பாட்டிற்கு அப்பாற்பட்ட வேறுபிற காரணங்களினால் முன்பு திட்டமிடப்பட்டவாறு இப்போட்டியை எந்தவொரு காரணத்திற்காகவும் நடத்த இயலவில்லை எனில், பொருத்தமானதாக கருதப்படுகிறவாறு இப்போட்டியை ரத்துசெய்ய, நிறுத்திவைக்க, திருத்த அல்லது தற்காலிகமாக நிறுத்தி வைக்க, எந்தவொரு பங்கேற்பாளரையும் தகுதிநீக்கம் செய்ய மற்றும் இத்தகைய ரத்துசெய்தல், நிறுத்திவைத்தல், திருத்தம் செய்தல் அல்லது தற்காலிகமாக நிறுத்தி வைத்தலுக்கு முன்னதாக சமர்ப்பிக்கப்பட்டுள்ள தகுதியுள்ள நிழற்படங்கள் / வீடியோக்களிலிருந்து போட்டியின் வெற்றியாளர்களை தேர்வு செய்வதற்கான உரிமை டாஃபே நிறுவனத்திற்கு இருக்கிறது. எந்த நேரத்திலும் தட்டச்சு செய்வதில், அச்சிடுவதில் / கம்ப்யூட்டர் புரோகிராமில் அல்லது அதன் இயக்கத்தில் ஏற்படக்கூடிய பிழைகளை சரிசெய்யும், திருத்தும் உரிமை டாஃபேக்கு இருக்கிறது.

நிர்வகிக்கும் சட்டம்

• இப்போட்டி, உங்களது சமர்ப்பிப்புகள் மற்றும் போட்டியின் விதிகள் ஆகியவை இந்திய சட்டங்களால் நிர்வகிக்கப்படும் மற்றும் அவற்றின்படி பொருள் கொள்ளப்படும். இப்போட்டி மற்றும் / அல்லது உங்களது சமர்ப்பிப்புகளினால் அல்லது அது தொடர்பாக உருவாகக்கூடிய எந்தவொரு அம்சங்கள் அல்லது சர்ச்சைகள் / தகராறுகள், சென்னை நீதிமன்றங்களின் பிரத்யேக சட்ட வரம்பிற்கு உட்பட்டதாக இருக்கும்